Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' dekewena serra hîrêyîne.

Kongreya Yewîya Sendîkayan a Skoçya (STUC) seba safhaya diyîne ya Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' eşkerayîyêke do bida. STUC 2yê teşrîna verêne de bînaya xo de kombîyayîşê çapemenîye do bikero û mektuba xo pêşkêşê Wezîrê Karanê Teberî yê Brîtanya David Lammyî do bikero. Mektube de qalê tecrîdê vera Rayberê Şarê Kurdî Abdullah Ocalanî û meseleya kurdan yeno kerdene.

Çarçewa Hemleya Azadîye de temamîya Brîtanya de çalakî û aktîvîteyî do bêrê kerdene.

Serekê STUCî yê verênî Mike Arnottî û Sekreterê Pêroyî yê Konfederasyonê Sendîkayanê Dundee Mike Arnottî derheqê babete de qisey kerd.

Mike Arnottî venga Tirkîya da ke seba çareserîya meseleya kurdan wa dest bi dîyalogan bikera û vat: ''Azadîya Abdullah Ocalanî seba averşîyayîşê şarê kurdî lazim a. Ganî Abdullah Ocalan cade azad bibo.''

Arnottî dîyar kerd ke paradîgmaya Konfederalîzmê Demokratîkî yê Abdullah Ocalanî û nuşteyê ey ê serê azadîya cinîyan û ekolojî çimeyê îstîfakerdişî yê. Arnottî vat: ''Goreyê mi fikrê ey meseleya kurdan ra zafêr wayîrê girîngîyêka pîl a. Seba herêmêka hîna arame, seba çareserîya meseleyanê mîyanneteweyîyan Ocalan wayîrê potansîyelî yo.''