Seba Mustafa Koçako ke qey hukmkerdişê edîlî roja 297. ya rojeyê mergî de dinyaya xo bedilnaye şaristanê Ulmî yê Almanya de çalakîyêka yadkerdişî ameye kerdene. Endamê ADHF, AGÎF, ATÎF, Bereyê Şarî,  MLPD, SKB, KON-MED û SYKPî tewrê yadkerdişî bîyî û nameyê Bereyê Şarî ser o zî ame qiseykerdene.

Çalakîye meydanê Berblinger-Brunnenî de ameye kerdene û sloganê ''Hêlîne Bolek bêmerg a'', ''Mustafa Koçak bêmerg o'', ''Bimiro faşîzm'' û ''Grup Yorum şar o, nêno bêvengkerdene'' ameyî vatene. Çalakîya yadkerdişî pê tewrbîyayîşê 60 kesan ameye kerdene û çalakîye de pankartî ameyî akerdene.