Parlamentoya Eyaletê Hamburgî  yê Almanya de seba Newroze resepsîyonêk ame dayene.Resepsîyon Partîya Dîe Lînke de ame dayene û xeylî merdimê Almanijî, Îranijî, Erebijî û Efganijî teba Kurdistanijî beşdarê resepsîyonî bîyî.

Serekanê Gruba Dîe Lînke ya Hamburgî Sabîne Boeddinghause û Cansu Ozdemîre destpêkerdiş de qisey kerd û Newroze pîroz kerde.

Ozdemîre da zanayene, adirê Kawayê Asinkarî ewro Rojawanî de destê şerwananê YPG û YPJ'î de yo û vat, şarê Kurdî  tarîxê xo de seba pawitişê anorê xo hertim têkoşîn dayo.

Boeddinghause zî ard ziwan ke, partîya înan hertim bîya hetkara çareserîya sîyasî ya persa Kurdî.

Resepsîyono ke xeylî Boeddinghaus zî beşdarê ci bîyê de, Grop Eylo, Nûjiyan-Nûpelda û hunermendo Ereb Alî Şîblî vejîya sehne.

GRAZ

Newroze Bajarê Graz ê Awusturya de zî ame pîrozkerdene.

Salona şewe bi posteranê Rayberê Şarê Kurdî Abdullah Ocalanî,resimê rayberanê PKK’yî, xoverdayoxanê grevê vêşanîye û alayê KCK, KJK, YPG û YPJ'î ameyî akerdene.

Hemserekê Kongra-Gelî Remzî Kartalî şewe de qisey kerd û Newroze Ocalanî û çar parçeyanê Kurdistanî de şarê Kurdî yo ke xo ver ro dano pîroz kerde.