Nobeta Azadîye ya ke 25ê hezîrana 2012î de hetê Înîsîyatîfê Abdullah Ocalanî rê Azadîye rê seba azadîya Rayberê Şarê Kurdî Abdullah Ocalanî dîyabî destpêkerdene, dewam kena.

Hewteyê 517. de şaristanê Essenî ya Almanya ra kurdîstanijan Îbrahîm Polat, Fettah Cîrût û Xebat Taşî nobete dewr girewte.

Îbrahîm Polatî nameyê kome ser o qisey kerd û ard ziwan ke vera hêrişanê îşxalî yê serê Herêmanê Pawitişî yê Medya xoverdayîşê şarê kurdî wa pîl bibo. Polatî bale ante tecrîdê vera Abdullah Ocalanî ser û da zanayene ke Abdullah Ocalan muxatanê çareserîya meseleya kurdan o.

Polatî dîyar kerd ke şarê kurdî do qetî îxanetî efû nêkero û îşxal yeno manaya qirkerdişê pêro kurdan. Polatî vat: ''Vera îşxal, tecrîd û îxanetî ganî yewîya neteweyîye bêra caardene.''