Çalakîya Ocalanî rê azadîye ke 25ê Hazîrane ya 2012 de bajarê Starsbourgî yê Fransa de vernîya Konseya Ewropa (KE) de ameyebî destpêkerdene hewteyê 342. de bi grûbanê  bajaranê Munîh û Friedrichshafenî yê Almanya dewam kena. Grûbî do bi agêrayîş nobete dewr bigêrê.

Grûba newî de hemwelatijê bi nameyê Fatoş Elma, Mulkîye Cebe, Huseyîn Elma, Şîyar Xelîl û Alî Yagmûr ca gênî. Bi nameyê çalakwanan eşkerayîyêk ameye dayene û ame vatene ke Komîteya Vernîgirewtişê Îşkenceyî (CPT) ganî cade tê bigêro.

Çalakwanan bale ante çalakîya grevê vêşanîye ya ke rayberîya Leyla Guvene de ameye destpêkerdene û zîndanan ra heta Strasbourgî ameye vilakerdene ser û vat ke eke ma ewro bêveng bimanê, ma do verê tarîxî de meeşkê hesab bidê.