Nobeta Ocalanî rê Azadîye ya ke 25’ê Hezîrana 2012’yî ra vernîya Komîsyonê Ewropa ( KE) de yena domnayene, hewteyê 357’ine de bi qerardarîya girde dewam kena.

Çalakî no hewtê hetê cinîyan ê TJK-E ra ameyî dewrgirewtene. Çalakwanan veng da KE û CPT’yî û waşt ke vera polîtîkayanê şerî û tecrîdê serê Ocalanî game bierzî.

Safîye Tûnçe, Asya Reşîte û Delal Şexo grûbe de ca genê. Asya Reşîte da zanayene ke a dora çarine ke tewrê na çalakîye bena û va:‘‘ Waştişê mi  oyo ke ez Rayber Apoyî azad bivînê.‘‘

Bi nameyê Grûbe Safîye Tûnçe qisey kerd. Tûnçe bale ante grevê vêşanîye ser û va: ‘‘Waştişê grevan û çalakîya Nobeta Azadîye ya ke 7 serrî yo yena domanyene yew o. Ganî şarê Kurdî patdayîşî gird bikero.  Rewşa xoverdayoxan yê ke semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de kewta merheleya krîtîke. Kam ke vano ez wayîrê wîjdanî ya ganî wirzo lingan ser. Reyna Konseya Ewropa û Komîteya Vernîgirewtişê Îşkenceyî (CPT)  ganî berpirsîyarîya xo bica bîyarê. ‘‘