Serekwezîra verêne ya Almanya Angela Merkel serekwezîrîye teslîmê Olaf Scholzî kerde. Merkele karîyerê xo yê sîyasî zî qedîna. 

Sosyal Demokratî Keskan û Demokratanê Azadan reyde do hukmatî îdare bikerê. Olaf Scholzo 63 serre peynîya êlule de weçînayîş de ser kewtbi.

Meclîsê Federalî yê Parlamentoyê Almanya vera 303 rayanê 'ney' pê 395 rayanê 'heya' paştî daye Olaf Scholzî. Dima zî Serekkomar Frank-Walter Steinmeierî bi hawayêkê fermîyî Olaf Scholz sey şansolyeyê 9. yê federalî wezîfedar kerd.

Partîya Sosyal-Demokrate, Partîya Keskan û Partîya Demokratan ê Azadan roja sêşemeyî peymana koalîsyonî ser o pêkerdbi.

16 wezîranê hukmatê neweyî roja çarşemeyî sond werdbi. Reya verêne hûmara wezîran ê cinîyan û camêrdan ê hukmatê Almanya seyci yê.