Dewleta tirke ya îşxalkere vizêr bi SÎHAyan hêrişê Şingalî kerd. Netîceya hêrişî de Hemserekê Konseya Îdareyê Xoserî Mervan Bedel şehîd bi. Paytextê Fransa Paris de kurdîstanijan û dostanê înan hêriş şermezar kerd.

Bi vengdayîşê CDK-Fyî xeylêk kesî Meydanê République de ameyî têhet. Çalakwanan pankarta ke ser o ''Wa Qirkerdişê Êzidîyan û statuyê Şingalî bêro naskerdene'' nuşte bi akerd û hêriş şermezar kerd. Eşkerayîye de bale ameye antene hêrişanê dewleta tirke yê vera Şingalî ser û ame vatene ke hêrişî verê çimanê welatanê Ewropa û dinya de yenê kerdene, ganî hêzê mîyanneteweyî helêke cuwa ver berpirsîyarîya xo bîyarî ca.