Paytextê Fransa Parîs de endamanê Têgêrayîşê Ciwanan ê Şorişgêran (TCŞ) û Konfedarasyonê  Macîranê Bindestan ê Ewropa  (AvEG-Kon) ra 15 kesan seba ke bale biance serê grevê vêşanîye  banê France Télévisionî de çalakîya bêîtaatîya sivîle viraşte.

Çalakwanan selahîyetdaranê televîzyonî de pêvînayîş viraşt û derheqê tecrîdê serê Rayberê Şarê Kurdî Abdullah Ocalanî û xoverdayîşê grevê vêşanîye de zanayîş da. Çalakwanan derheqê tecrîd û grevê vêşanîye de dosyayêk daye berpirsîyaranê televîzyonî  û înan ra waşt ke wa bêveng memanê.