Parlamenterê Partîya Karkeran Bambos Charalambous û Lloyd Russell-Moyle û endamê meclîsê şaredarîye, Îmam Şîşo ke 105 rojî yo şaristanê Newportî yê Gallerî de hemverê tecrîdî de grevê vêşanîye de yo zîyaret kerd.

Parlamenterî: Ma Bêveng Memanê

Parlamenteranê ke Şîş Merkezê Cimatê Kurdan ê Newportî de zîyaret kerd, seba wedartişê tecrîdî veng da.

Parlamenteran qasê wextêkê dergî Îmam Şîşî reyde sohbet kerd, tecrîdê serê Rayberê Şarê Kurdî Abdullah Ocalanî şermezar kerd û veng da dewleta Tirkî ke cewab bido waştişanê xoverdayoxanê grevê vêşanîye.

Parlamenteran ard ziwan ke ê binpaykerdişanê ke Kurdistan de qewimîyenê nizd ra şopnenê û sazîyanê mîyanneteweyîyan ra zî waşt ke bêveng memanê.