Seba serrgêra 81’ine ya Terteleyê Dêrsimî welatanê cîyayan de vîrardişî yenê viraştene. Parlamentoyê Înglîstanî de zî seba serrgêra 81’ine ya Terteleyê Dêrsimî  reya verêna ke vîrardişêk ame viraştene.

Vîrardişo ke parlamento de ameyo viraştene de, derheqê 38’ê Dêrsimî de fotografî û masayan de qerenfîlî ameyê ronayene û Dede Mehmet Yuksel û Parlamenterê HDP’yî yê Dêrsimî Alîcan Onlu zî tewrê ci bîyî.

Onluyî, serê hesabê xo yê medyaya sosyale ra da zanayene ke, vîrardişê Terteleyê Dêrsimî reya verêna Londra de, Parlamentoyê Înglîstanî de ame viraştene. Onlîyî vengdayîş kerd û vat ke, teyna Tirkîya ney, ê hukmat û dewletê ke o wext bêveng mendê zî ganî nê terteleyî reyde bêrê têrî.