Rêxistinanê komelê sivîlî û partîyanê sîyasîyan ê Swîsre 11ê kanûne de vera hêrişanê serê kurdan do Cenevre de çalakîyêke bikerê.

Partîya Karkeran (POP-Partî du Travaîl), Partîya Sosyalîste (SP - Partî Socîalîste Genevoîs), Rêsîstons, Ensemble a gauche, Solîdarîtes, Jeunes POP Ge, Secours rouge Gêneve, Engageons Les Murs, CUAE, Formatîon Rêvolutîon, Komelê Demokratîkî yê Kurdan ê Swîsre (CDK-S), Yewîya Hêzan ê Demokratîkan a Ewropa-Swîsre, Temsîlkarîya Swîsre ya Rojawanî (AANES) bi eşkerayîyêka hempare venga her kesî da je tewrê çalakîye bibo.

Eşkerayîye de ame vîrvistene ke dewleta tirke tim hêrişanê kurdan kena, herêmanê îşxalkerdeyan ê Rojawanî de sûcanê şerî kena û Vakurê Kurdîstanî de zî sîyasetmedaranê kurdan erzena zîndanan.

Eşkerayîye de bale ameye antene ser ke dewleta tirke vera gerîlayan çeka kîmyewîye şuxilnena û Şingal û Mexmûr de rayberanê kurdan hedef kena.

Eşkerayîye de ame parekerdene ke Têgêrayîşê Azadîye yê Kurdîstanî û PKK nêzdîyê 50 serrî yo vera hêrişanê dewleta tirke têkoşînêkê meşrûyî kenê û Rojawan de modelê xo yo otonom îsbat kerdo. Eşkerayîye de wina ame vatene: ''Ganî her kes paştî bido Şorişê Rojawanî, kurdan û PKKyî û modelê Rojawanî bipawo.''

CDK-Syî zî pare kerd ke bi wesîleya 10ê Kanûne Roja Abdullah Ocalanî rê Azadîye 11ê kanûne de saete 14.00 de Meydanê Place Neuve yê Cenevre de çalakîyêke do bêra kerdene. CDK-Syî venga her kesî da ke wa tewrê çalakîye bibo.