Qezaya Frîedrîchshaîn-Kreuzbergî de xeylî Dêrsimijî ciwîyenê û Dêrsimijî xeylî wexto kenê ke seba ke qirkerdişê 38’î mero vîrrakerdene yew abîde bêro viraştene.

Meclîsê Şaredarîye  de endamanê Partîya Çepe, Partîya Sosyal Demokratan û Partîya Keskan serra parî seba Abîdeya 38’î yew pêşnîyar amade kerdbî.  La sere de Sersefîrê Tirkî û lobîyê Tirkî yê Berlînî kewtî dewre û kerd ke ver bigîrê.

Pêşnîyar bi israrê Partîya Çepe, SPD û Keskan newe ra ameyî Meclîsê Şaredarîye û bi zêdeyîya reyan ame qebulkerdene. Abîde ya 38’î do yew parka ke nêzdîyê Cemaatê Dêrsimî de ya de bêro ronayene.

Abîde do hetê Şaredarîya Kreuzbergî ra bêro viraştene û abideye ser o nuşteyê sey “ Seba vîrardişê merdimê ke 1938’î de Dêrsim de, bi organîzasyonê dewlete ameyî qetilkerdene” bêro nuştene. Qaso ke xebere ameya girewtene, Abîde do rojanê verê ma de bêro ronayene.