Bi nameyê Platformê Cinîyan ê Almanya hetê SKB, TJK-E, Yenî Kadin, Yaşanacak Dunya, ADKH, YJK-E, Zora, XJK, FEDA, CENÎ, TAJE û CÎK’î ra derheqê grevanê vêşanîye de eşkerayîyêk amî dayene.

Eşkerayî wina ya:

“7 hezarî tepişteyanê ke vat ‘tecrîd sûcê merdimîye yo’ rew ra sînorê mergî ravêrna. 15 tepişteyan 30’ê Nîsane de dest bi rojeyê mergî kerd. Grevê Leyla Guvene keweno roja 174’ine. Ma sey organîzasyonê cinîyan ma do 1’ê Gulane Roja Mucadeleyî ya Karker û Kedkarî de bi mexmelanê xo yê sipîyan meydanan de bê. Ma sey cinî û mayî hemverê mergan de bêveng nêmendî û ma do nêmanê. Ma nêwazenê merdişê ma û domananê xo temaşe bikerê û ma do temaşekar nêmanê. Ma umîdê xo tim pawit û ma pawenê. Eke ma pîya mucadele bikerê, ma vengê xo bikerê berz, ma zanê ke ma do netîce bigêrê. Naye ra ma veng danê her kesanê ke xo ra vanê demokrat, welatperwer û merdim 1’ê Gulane de vejîyê meydanan. Ma vanê ‘merdişan rê bêveng memanê.’”