Serkêşîya FEDA, MARDEF û Cinîyan ê Elewîyan ê Demokratîkan de paytextê Almanya Berlin de de qurbanê Erdlerzê Mereşî yê 6ê Sibate ameyî yadkerdene.

Aktîvîteya yadkerdişî bi Gulbange dest pêkerd. Pîr Alî Koçakî ard ziwan ke erdlerz ney la karmendê çilî, mutahîd û şaredarê dizdî bîyê sebebê merdiman. 

Qiseykerdişan de ame îfadekerdene ke merganê erdlerzî ra rejîmê AKP-MHPyî mesuldar o û wina ame vatene: ''Erdlerzî ra dima hetkarîyî ameyî astengkerdene. Nasname û bawerîyê şaranê herême raştê qirkerdişanê eqlê dewlete ameyî. Nê polîtîkayê qirkerdişî hema zî dewam kenê.''

Pîr Cemalo ke Ocaxê Sînemîllîogluyî ra yo, dîyar kerd ke meseleyê herêmanê erdlerzî hema zî dewam kenê û mesuldarê nê meseleyan zî eşkera yê.