TJK-E û KCDK-E bajarê Strasbourgî yê Fransa de bi şîarê ''vara îşxal û qirkerdişî her ca Avaşîn, Zap û Metîna yê. Dem demê azadîye yo!'' çalakîya roniştişî ya seba çar hewteyan daye pestpêkerdene.

Çalakîye cayê Nobeta Azadîye ya ke 2012 ra nata yena kerdene de pê eşkerayîya çapemenîye dîyaye destpêkerdene. Çalakîya roniştişî de do tecrîdê serê Rayberê Şarê Kurdî Abdullah Ocalanî, hêrişê îşxalî yê dewleta tirke yê vera Başûrê Kurdîstanî û qerarê Amerîka yê vera kadroyanê serkêşan ê Têgêrayîşê Azadîye yê Kurdîstanî bêrê şermezarkerdene.

Eşkerayîye de Bêrîvane Avci ya ke bi nameyê TJK-E qisey kerd bale ante ser ke dewleta tirke têkoşînê cinîya azade xo rê sey tehluke vînena û vat: ''Cinîya kurde ya azade ke paradîgmaya Rayber Apoyî esas gena vera îşxal û qirkerdişê cinîyan têkoşîn kena.''

Aktîvîsta bîne ya TJK-E Meryeme Tekîner zî vist vîrî ke têkşonê cinîyan ê kurdan o ke bi felsefeya Rayberê Şarê Kurdî yeno kerdene dinya de semedê cinîyan û şaranê dinya bîyo çimeyê moralî û vat: ''Cinîya kurde ya azade vera sîyasetê dirîyî her ca de têkoşîn dana. Têkoşînê Têgêrayîşê Azadîye yê Kurdî do ser bikewo.''

Hemserekê KONGRA-GELî Remzî Kartalî zî bêvengîya hêzanê mîyannetweyî ya vera hêrişê qirkerdişî yê dewleta tirke yê vera kurdan şermezar kerd û veng da  sazgehanê mîyanneteweyî wa ke wezîfeyê xo bîyarê ca.

Temsîlkara PYDyî Zozane Derîk zî bale ante muhîmîya yewîya neteweyîye ser û vat: ''Rixmê heme vengdayîşanê temsîlkaranê Têgêrayîşê Azadîye yê Kurdî PDK îşxalkeranê Kurdîstanî û qikeranê şarê kurdî reyde hemkarîye rê dewam keno. Şarê kurdî do nê sûcê tarîxî ef mekero.''

Reyna qiseykerdoxanê bînan zî vera tecrîd û hêrişanê îşxalî nêrazîbîyayîş mojna û semedê têkoşînê hemparî veng da.