Bajarê Strasbourgî yê Fransa de 1ê kanûne de Înîsîyatîfê Ocalanî rê Azadîye bi şîarê 'Azadîye do ser bikewo-semedê Ocalanî têbigêrê' çalakîye dayebî destpêkerdene. Çalakîye hewteyê diyînînî de dewam kena.

Endamê Têgêrayîşê Azadîya Cinîyan ê Êzidîyan (TAJÊ) û FCDK/KAWA ke rêxistina serbanî ya bajaranê Darmstadt, Frankfurt, Gissen, Mannheim, Saarbruckenî yê Almanya ya ewro tewrê çalakîye bîyî. Bi nameyê grûbe eşkerayîye ameye dayene û veng dîya welatanê Ewropa de wa semedê wedaritişê tecrîdî wezîfeyê xo bîyarê ca. Eşkerayîye de qetilkerdişê Hemserekê Konseya Rayberdişî yê Îdareyê Xoserî yê Şingalî Merwan Bedelî zî ame vîrardene û ame vatene ke ganî statuyê Şingalî bêro naskerdene. Çalakwanan veng de dezgehanê aleqedaran ê mîyanneteweyî ke wa şirê Tirkîya ser ke tecrîd bêro wedaritene û qirkerdişê vera kurdan bêrê vindarnayene.