Bajarê Stuttgartî yê Almanya de Platformê Cuya yê Vera Tecrîdî seba ke bale biancê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî yenê viraşten, çalakîya xeyme viraşte.

Çalakwananê ke verbendikê ke ser o fotografê Leyla Guvene estî dayî xo ra derheqê tecrîd û grevê vêşanîye de vilawekî vila kerdî. Çalakwanan semedê tewrbîyayîşê çalakîyanê 3 û 6’ê Gulane yê ke do mabênê saetanê 16 -18 de berê viraştene zî veng da.