Însîyatîfo bi nameyê “Însîyatîfê Soderhamnî yê seba haştîye û azadîya Kurdistanî” eşkerayîyêk medyaya Swêdî rê şawite û da zanayene, armancê rêxistinbîyayîşê neweyî Kurdan reyde xurtkerdişê paştdayîşî yo.

Însîyatîf bi cehdkerdişê Komîteya Paştdayîşê Kurdistanî awan bi ke komîte wextêko derg o seba heqanê Kurdan çalakîyan organîze kena. Mîyanê însîyatîfî de xeylî rayberê newe û kehen ê şaredarîyan, merdimê dînî, rayberê sendîkayan, temsîlkarê wendekaran, serekê verênî yê qezaye, doktorê namdar ê qezaye, kompozîtorî, rojnamegerî, resamî, rektorî estê.

Serekê Komîteya Kurdistanî reyde Paştdayîşî Benny Gustafssonî bi wesîleya îlanê awanbîyayîşê însîyatîfî, zanayîşî dayî medyaya Swêdî û ame vatene, “Ma wazenê paştdayîşê seba şarê Kurdî hîratir bikerê. Ez sereberz a seba ke xeylî Soderhamnijî cayê xo mîyanê însîyatîfî de girewto.”

Ganî Ocalan bêro veradayene, muzakereyî dest pê bikerê

Eşkerayîya însîyatîfî de ame vatene, Soderhamn serra 2007 ra nata şaredarîya dost a Nisêbînî ya û bale ante serê zext û hêrişanê giranan ê dewleta Tirkan ê  ke vera Kurdan yenê kerdene û ame vatene, “Rayberê şaredarîyan ameyî girewtene. Wazenê cezaya heta bi heta bi înan rê bibirnê. Rayberê Kurdan o ke ameyo girewtene 20 serrî yo tecrîd de yo.”

Însîyatîfê Soderhamnî da zanayene, ê paştdayîş danê seba waştişanê xoserîya Kurdan û Tirkîya de seba haştîye, paştdayîş danê têgêrayîşê demokrasî û ame vatene, “Awankerdoxê PKK’yî Abdullah Ocalan ganî bêro veradayene û pêvînayîşî ey reyde bêrê kerdene. Serekkomarê Tirkîya Erdogan ganî herêma Rojawanî ya vakurî û Rojakewtena Sûrîye ra dûrî vindo û herêma Vakurê Sûrîye ganî firayîşê teyaran rê bêra qedexekerdene.

 Kesanê ke cayê xo mîyanê însîyatîfî de girewto

Binê eşkerayîya Îsîyatîfê Soderhamnî de nameyê nê kesan estê:

Hans Jorgen Alsing, Barbro Andersson, Eva Bappho, Jan-Eric Berger, Nimiane Birath, Erik Bjork, Kenth Burvall, Jorn Delvert, Leonie Fors, Par Forsstrom, Janne Farnstrand, Alexandra Gard, Lennart Gard, Weine Genfors, Benny Gustafsson, Maria Hansson, Katarina Hedberg, Marianne Isaksson, Erik Lennerstal, Eva Lindberg, Sven-Erik Lindestam, Joann Ling, Anders Norén, Anders Persson, Hugo Persson, Anders Ramstrand, John Staffas, Nils Rundqvist, Monica Siggstedt, Tereza Vanova-Benke, Gun Britt Wallstrom.