Paytextê Swîsre Bern de hetê 81 dezgehan ra çalakîya paştdayîşê Rojawanî ameye viraştene. Parlamentera Partîya Sosyalîste Ursula Martî waşt ke Swîsre wa vera Tirkîya ambarbo bêro caardene û veng da Neteweyê Yewbîyayeyî ke wa bêveng memano.
Bi vengdayîşê 81 dezgeyanê Kurdan û partîyanê sîyasîyan ê Swîsre semedê protestokerdişê îşxalê dewleta Tirkî yê vera Rojawanî ewro paytextê Swîsre Bern de çalakîyêka xurte ameye viratene.
Çalakîya ke xeylî sîyasetmedarê Swîsre zî tewrê ci bîyî de slgana Şarê Rojawanî têna nîyo berz bîyî. Qiseykerdişan de bale ameye antene ke dewleta Tirkî qij-pîl, cinî-camêr nêvana şarê Rojawanî qir kena ser û ame waştene ke vera Tirkîya wa amborgo bêro caaerdene. Bi nameyê Partîya Sosyalîste Ursula Martî ard ziwan ke ê paştî danê şarê Rojawanî û veng Neteweyê Yewbîyayeyî û waşt ke rolê xo kar bikerê û vera nê hêrişan û qirkerdişan bêveng memanê. Birayê Alî Wazîrî yo ke Cenevre de bedenê xo vêşna, Mizgîn Wazîr zî vat, ‘Birayê mi rîyê bêvengîya Neteweyê Yewbîyayeyî ya vera Rojawanî xo vêşna. Ciwîyayîş xoverdayîş o ma do ser bikewê.‘ Birayê Hewrîn Xelefî zî vat seba ke ma hîna zaf şehîdan medê ma ganî xoverdayîş gird bikerê.
