Bajaranê Bern, Olten, Bellînzona û Locarno yê Swîsre de Kurdistanijan û dostanê înan bi çalakîyan paştî daye xoverdayoxanê grevê vêşanîye û azadîya Ocalanî waşte.

Bajarê Bernî de hetê Komala Heqanê Merdiman (ÎHD) û Komela Paştdayîşê Heqanê Mediman (ÎHDD) ra  eşkerayîyêk ameye dayene û bale anciya serê Grevê vêşanî yê ke rayberîya Leyla Guvene de ameyî destpêkerdene ser.

Çalakîya ke merkezê bajarî de ameyî viraştene aktîvîstê heqanê merdiman Mîne Çetînkaya bi nameyê  ÎHD’yî qisey kerd. Çetînkaya vist vîrî ke semedê wedartişê tecrîdî zîndanan de 7000 ra zafêr tepişteyî grevê vêşanîye de yê û kewtê merhaleya krîtîk ê û va,‘‘ Çar cenazeyî zîndanan ra vejîyayî. Wa tecrîd bêro wedartene û vernîya mergan bêro girewtene. Nameyê ÎHDD’yî ra Hazer Koçake zî metnê eşkerayîye wende. Eşkerayîye de ame vatene ke tecrîd heme Kurdan ser o yeno bicaardene û ganî cade bêro wedartene.

Hete bînî ra çalakîya tafînayîşê mûman ke her hew Pancşeme hete FEDA ra yena viraştene vizêr zî raye 7. ameye viraştene.

 Bajarekê  Otltenî yo ke gredayeyê Bernî yo de zî hetê Têgerayîşê Ciwanan ê Şorişgrêrî ra çalakîyêk ameyî viraştene. Çalakwanan tecrîd protesto kerd û xoverdayoxê grevê vêşanîye silam kerdî.

Bajaranê Bellînzona û Locarna yê ke qiredayeyêqantonê Tîcînî ye de zî bi çalakîyanê 3 meymnan bêvengîya Ewropa ameye şermezarkerdene.