Kurdistanijan Swîsre û Belçîka de kongreyê xo yê xo yê Mekezê Şarî Kurdî viraştî. Kongreyan de xoverdayîşê grevê vêşanîye ame  silamkerdene.

Merkezê Cimatê Demokratîkî yê Kurdistanijan ê Swîsre (CDK-S), kongreya xo ya alelade ya 3’ine dîyarîyê xoverdayonê grevê vêşanîye kerd ke vera tecrîdkerdişê Ocalanî bi slogana “ Ma tecrîdî biqedinê, faşîzmî birijnê, Ocalanî azad bikerê” grevê vêşanîye de yê.

Kongre bajarê Grenchenî yê kantona Solothurnî de bi beşdarbîyayîşê 1000 ra zêdeyî delege û meymanan ameye viraştene. Sîyasetmedaro Kurd Akîf Yaşarî destpêk de qisey kerd û bale ante serê tecrîdkerdişê Rayberê Şarê Kurdî Abdullah Ocalanî û vat, “No xoverdayîş heta azadîya Ocanî bi qerardarîye do dewam bikero.”Peynîya kongre de karê ke heta nika ameyê kerdene ameyî ercnayene û kongre bi slogananê “Biciwîyo Serek Apo”,  “Cinîye, Cuye, Azadîye” qedîyaye.

Merkezê Cimatê Demokratîkê Kurdan ê Belçîka kongreya xo viraşte

Merkezê Cimatê Demokratîkê Kurdan ê Belçîka kongreya xo viraşte. Dimayê deqayêk rêzgirewtişê seba şehîdan, Hemserekê KONGRA-GEL’î Remzî Kartalî qisey kerd. Kartalî bale ante serê xoverdayîşê grevê vêşanîye û ard ziwan ke, ê do polîtîkayanê qilêrinan ê ke serê Kurdistanî de yenê kerdene bin bikerê. Kartalî ard ziwan ke, Kurdistanijê ke Ewropa de ciwîyenê ganî rûmetanê şarê Kurdî rê wayîr bivejîyê. Kongre bi weçînayîşê rayberdoxanê neweyan qedîyaye.