Tecrîdê vera Rayberê Şarê Kurdî Abdullah Ocalanî xeylêk şaristananê Ewropa de ame protestokerdene.

Şaristanê Baselî yê Swîsre de ciwanan çarçewa Hemleya 'Werin Cenga Azadiyê' de îstasyonê trenî de eşkerayîyêke daye. Eşkerayîye de ame parekerdene ke Rayberê Şarê Kurdî ra 25 mengî yo xeberêke nêna girewtene û venga her kesî dîya ke bi ruhê seferberî vera tecrîdî vejîyo meydanan. Çalakîye pê sloganan qedîyaye.

Şaristanê Cenevre yê Swîsre de ciwananê welatperweran mîtîng kerd û dima eşkerayîye daye. Eşkerayîye de ame parekerdene ke ciwanî seba Ocalanî têkoşînî berz bikerê.

Şaristanê Parisî yê Fransa de ciwananê TCŞ û TÊKO-JIN çalakîya rayraşîyayîşî kerde û dima zî eşkerayîye daye. Ciwanan venga pêro kesan da ke vera tecrîdê Îmraliyî wurzê payan ser. Çalakîye bi slogananê sey “Bijî Serok Apo“ û “Bê Serok jiyan nabe“ qedîyaye.