Cimato Demokratîk ê Kurdan ê Fransa (CDK-F) û Têgêrayîşê Cinîyan ê Kurdan ê Fransa (TJK-F) ewro ra tepîya do bi slogana “Stop îzolasyon, stop faşîzm” dest bi çalakîye bikerê. Her di organîzasyonan seba tewrbîyayîşê çalakîyan veng da.

Eşkerayîye de ame vatene şexsê Rayberê Şarê Kurdî Abdullah Ocalanî de ke 20 serrî yo Îmrali de yo şarê Kurdî ser o bi hawayêkê sîstematîkî îşkence yeno kerdene.

Eşkerayîye de ame vatene, “Faşîzmê TC’yî û hemkarê înan ê komploye seba ke bi ser nêkewtî, tecrîd fîna dewre. Hem destpêkê komploye de û hem zî dewamê ci de Serek Apo û hemrayanê ci komplo bin fînaye. Hewna zî tersê zerra sîstemê dîktatorî, kolonyalîstî û faşîzanî yo.

Xoverdayîşê grevanê vêşanîye Hewlêr, Strasbourg, Galler û zîndanan de û pêroyîya dinya de agêrayo merheleya ‘Ma tecrîdî bişiknê, faşîzmî birijnê û Kurdistanî azad bikerê’ û pîya bi nê şehîdanê ma yê pîrozan bi çalakîyanê xo yê fedaîyan xoverdayîşî silam kerdo.

Çalakîya ke tay mendo bibo 6 mengî, zîndanan de agêrayo rojeyê mergî.

Bi nameyê CDK-F û TJK-F, ma ewro ra tepîya bi slogana ‘Stop îzolasyon, Stop faşîzm’ dest bi çalakîyanê #7000 xoverdayoxî #7000 pankartî kenê. Ma veng danê sazîyanê xo yê ke Fransa de yê ke her wareyî de bi pankarta ser o ‘Stop îzolasyon Stop faşîzm’ nûşte yo cewabêkê tarîxîyî bidê.”