Diwanê Hemserekîya KCDK-E semedê wayîr vejîyayîşê Rojawanî vengdayîşê lezabezî kerd û vat beno ke Serêkanîyê de qirkerdişê hîna girdî bêrê viraştene. Coka ma seferberîye îlan kenê.

Eşkerayîye ra tayî cayî wina yê:

Hêrişê dewleta Tirkî ya îşxalkare yê vera Rojawanî  bi heme lezîya xo dewa kenê. Rixmê pêkerdişê adirbirnayîşî îşxalkarî û hêriş kenê. Bi nê adirbirnayîş ame waştene ke bala rayapêroyîye biaçarnê hetanê bînan û xoverdayîşê şaran sist bikerê. No têna xapînayîş o. Erdogan û çeteyê ci goreyê pêkerdiş tê nêgêrenê û semedê qirkerdişê Kurdan çekanê qedexeyan şuxulnenê.Kurdî ganî gird xoverd bidê û gird ser bikewê. No zî bi pîya têgêrayîşî mumkun o. Kurdê ke Ewropa de yê û dostê înan ganî bi ruhê seferberîye paştî bidê Xoverdayîşê Serêkanîyê.

Nika Serêkanîyê de heme keyeyî yenê bombardûmankerdene. Çeteyî hêriş kenê.Cinî domanî her kes qirkerdiş ra ravêreno.  Nêweşxane de dormeyê birîndaran ameyo girewtene. Beno ke her hel qirkerdişê hîna girdî bêrê kerdene. Coka ma nika ra tepîya seferberîye îlan kenê Kurdan qirkerdişî ra bixelisnê. Ganî qet Kurdêk meşo keye, gure, dibistan. Ganî her kes çalakîyan de cayê xo bîgêro. Çalakîyî do bêmabên bêrê viraştene. Roje roja  bi ruhê Kobanê xoverdayîşî ya. Roje roja wayîrvejîyayîşê Rojawanî ya.‘‘