Vera bêvengîya Ewropa çalakîyî do bêrê viraştene
‘Platformê Cuye yê Vera Tecrîdî yê Ewropa’ kombîyayîşê xo yê 3. de, vera bêvengîya mîyanneteweyî ya vera grevê vêşanîye qerarê çalakîyan girewt.
Kombîyayîş 23'ê Nîsane de ame viraştene û têhetameyoxê platformanî; KCDK-E, Yaşanacak Dunya, ATÎK, TJK-E, HDP Almanya, SYKP Ewropa, ADHK, SKB, AveG-Kon, AGÎF, HDK Almanya tewrê ci bîyî.
Kombîyayîş de plansazîya demê ameyoxî ameye amadekerdene.
Goreyê netîcenameya kombîyayîşî, qerar ame dayene ke 29'ê Nîsane Koln de kombîyayîşê çapemenîye do bêro viraştene, 11'ê Gulane bi beşdarbîyayîşêbi seyan kesî Dusseldorf de xeleka merdiman bêro pêardene, her roja Çarşemeyî de vernîya Parlamentoyê Ewropa de çalakîya roniştişî bêra viraştene, her rojê Sêşemeyî de vera bêvengîya çalakîya vengvejîyayîşî bêra viraştene û derheqê grevê vêşanîye de mektubî bêrê nuştene.
