Hemserekanê  KCDK-E bi wesîleya serrgêra Qirkerdişê Parisî eşkerayîya nuştekîye daye. Eşkerayîye de ame vatene ke bi qirkerdişî şexsê Sakîne Cansiz de têkoşîn û xoverdayîşê cinîyan ê kurdan ame hedefgirewtene.

KCDK-E  vat: ''Badê Qirkerdişê Parisî heme cipersayîşê ke hetê dozgerê firansizî ra ameyî kerdene de eşkera vejîya werte ke qirkerdiş hetê MÎTê Anqara ra ameyo kerdene. Fransa cipersayîş cara kerd derg heta nê rojan ard ke wa peyê qirkerdişî nêro roşnkerdene. Rixmê cigêrayîşê edaletî yê bi serran ne Ewropa ne zî Fransa gamêke nêeşte û  dosya ameye qefilnayene.  Kiştox Omer Gunay bi hewayêkê şikdarî 2016 de merd û serê dosya ame girwtene. Fransa dosya bi hewayêkê bêhuqûqî wedarit. Qefilnayîşê dewa skandalo huqûqî yo. Serekê verênî yê Dayîreyê Îstîxbaratî yê Fermandarîya Pêroyî Îsmaîl Hakki Pekînî programêkê TVyî de îtîraf kerd ke Qirkerdişê Parisî hetê MÎTî ra ameyo kerdene. Bi nê qirkerdişî şexsê Sakîne Cansiz de têkoşîn û xoverdayîşê cinîyan ê kurdan ame hedefgirewtene.

Seba ke hesabê Qirkerdişê Parisî bêro persayene 9 serrî yo serkêşîya Cinîyan ê Kurdan de şarê ma û dostê ci û xeylêk cayanê dinya de rêxistinanê hîsgêran ê cinîyan mucadeleyo gird kerd. Çalakîyê ke serkêşîya TJK-E de bi şîarê  'Heta ke edalet nêro roşnkerdene Fransa sûcdar a' 5ê çeleyî de dest pêkerd do 8 ê çeleyî de seranserê Ewropa de dewam bikerê. Ma sey KDK-E wayîrê nê çalakîyan vejîyenê semedê tewrbîyayîşî veng danê şar û dostanê xo.''