Paytext Paris û bajarê Marsilya yê Fransa de hewteyêk o ke bi çalakîyanê roniştişî tecrîdê serê Rayberê Şarê Kurdî Abdullah Ocalanî yeno şermezarkerdene û azadîya ci yena waştene.

Marsilya

Çalakîya Marsilya ya ke bi rojan o Meydanê Vieux-Portî de yena kerdene û bajaranê Bordeaux, Montpellier, Marsilya, Tolulouse û Draguignanî ra kurdîstanijî tede ca genê vizêr zî ci rê eleqedarîya pîle estbî.

Çalakîye de vilawekî ameyî wendene û vilakerdene. Stando ke semedê nasdayîşê Abdullah Ocalanî ame akerdene de xeylêk kitabê Ocalanî ameyî vilakerdene. Reyna Meclîsê Cinîyan ê Şehîde Arîne Mîrkan çarçewa '100 Sebebê Seba Hukmkerdişê Dîktatorî' de îmzayî arê dayî. Çalakîye ewro do Meydanê Vieux Portî de bi mîtîngêk biqedîye.

Paris

Çalakîya nobete ya Parisî ya 5 rojan a ke verê Parlamentoyê Fransa de ameyêne kerdene vizêr qedîyaye. Çalakîya ke roja peyêne hetê  meclîsanê Mantes-la-Joulie û Creilî ra ameye dewrgirewtene de derheqê tecrîdê Îmraliyî de vilawekî ameyî vilakerdene.