Paytextê Swêdî Stockholm, paytextê Danimarka Kopenhag û bajarê Den Haagî yê Hollanda de çarçawe Hemleya Wextê azadîye yo de çalakîyî ameyî kerdene. Çalakîyan de tecrîdê serê Rayberê Şarê Kurdî Abdullah Ocalanî ame şermezarkerdene û azadîya ci ya fîzîkîye ameye waştene.

Stockholm

Stockholm de vizêr kurdîstanijan verê Parlamentoyê Swêdî de çalakîya xeyme ya seba di rojan daye destpêkerdene. Çalakîye de derheqê tecrîdê serê Ocalanî û hêrişê dewleta tirke yê vera Kurdîstanî de zanayîş ame dayene. Merkezê Kurdanê Demokratîkan ê Swêdî semedê tewrbîyayîşê çalakîye ke mabênê saetanê  14.00-18.00 yena kerdene veng da.

Kopenhag

Kopenhag de zî semedê azadîya Ocalanî çalakîyêke a ameye kerdene. Çalakîya ke hetê Meclîsê Cinîyan ê Sevê û DKTMyî ra ameye organîzekerdene verê Parlamentoyê Danimarka de ameye kerdene. Çalakîye de serkewtişê Garê û xoverdayîşê Îmrali û zîndanan ameyî selamkerdene û hêrişê dewleta tirke û xayînîya PDKyî ameyî şermezarkerdene.

Den Haag 

Den Haag de zî bi eynî waştişî verê Meclîsê Hollanda de çalakîyêke ameye kerdene. Çalakîye de seba ke Neteweyanê Yewbîyayeyan rê bêrê şawitene îmzayî ameyî arêdayene. Reyna cinîyan zî çarçewa  Kampanyaya '100 Sebebê Seba Hukmkerdişê Dîktatorî' de îmzayî arê dayî.