Vizêr xeylî bajaranê Almanya de Kurdistanijî û dostê înan reyna kuçeyan de bî. Çalakîyan de bêvengîya Ewropa ameye şermezarkerdene.

Wuppertal

 Bajarê Wuppertalî de rayberîya Meclîsê Cinîyan ê Vîyane de hewteyêko çalakî yena viraştene. Çalakîye derheqê tecrîd û grevan de vilawekî yenê vilakerdene.

Darmstadt

Damrstadt de zî ciwanan û cinîyan semedê baleantişê serê grevê vêşanîye çarçeweya kampanyaya #7000gegenIsolation (Vera tecrîdî 7000) de yew çirre bi boyeyê sûrî boye kerde.

Hîldesheîm

Hîldesheîm de çalakîya xeyme ke semedê baleantişê grevê vêşanîye yena viraştene hewteyê çarin de ya. Çalakîya ke hetê Komunê Cinîyan ê Şehîde Meryeme ra yena viraştene, no hewte Meclîsê Cinîyan ê Şehîde Berçem Cilo yê Salsgitterî paştî daye ci. Xeyma ke vernîya Kilîseyê Jakobî de ameye ronayene de derheqê tecrîdî vilawekî yenê vilakerdene.

Munîh

Bajarê Munîhî de zî bi şîarê bêvengiya mirmena çalakîyêk ameye viraştene. Sere de rayapêroyî, hukmat û rêxistinanê cimatî yê sivîlan ra ame waştene ke bêveng memanê.