Seba wedaritişê tecrîdkerdişê Rayberê Şarê Kurdî Abdullah Ocalanî, rayberîya Hemsereka KCD'yî Leyla Guvene de Kurdistan, Tirkiye û xeylî welatan de çalakîyê grevê vêşanîye yenê  viraştene. Seba paştdayîşê xoverdayîşê grevê vêşanîye vizêrî Almanya de kampamyaya akerdişê afîşan dest pêkerdibî.

Afîş bi Hashtaga “Vera tecrîdî 7 hezar” (#7000gegenIsolation) ameyî akerdene û bi taybetî îşaret bi Leyla Guvene û 7 hezar girewteyanê grevê vêşanîye de yê ame kerdene. Afîşan de slogana “Ma bêvengîye bişiknê” û “Vengê zîndanan biheşnê” ameyî nuştene û xeylî bajaran de ameyî akerdene.

Peykerê Stortebeker û Zitronenjette yê ke sembolm Hamburgî yê, hetê bînî ra peykeranê xeylî wareyanê bajarî de êlegê sipî yê ke nîşanê çalakwananê grevê vêşanîye yê, ameyî pirodayene. Berlîn û Magdeburg de zî aktîvîstan boyayo sur meydanan de rişna û bale ante serê rewşa weşîye ya çalakwananê grevê vêşanîye.

Çalakîye xeylî bajaranê Almanya ra vila bîye

Eynî afîşî bajaranê Leîpzîg, Bîelefeld, Munchen, Hannover, Tubîngen, Celle û Bonn de zî ameyî akerdene. Aktîvîstan hetê bîbî ra fotogarafê afîşan antî û Hashtaga “#7000gegenIsolation” de medyaya sosyale de pare kerdî.

Kampanya hetê Têgêrayîşo Femînîst “Ma pîya têkoşîn bikerê” û “"Tatort Kurdistan", “Cayê bîyayîşî, Kurdistan” ra ame organîzekerdene. Çalakwanî bi rayîrê na çalakîye wazenê bala rayapêroyîye biancê serê grevê vêşanîye û  rayberîya Berlînî bikerê mîyanê têgêrayîşî.

Wendegeh, îstasyonê trene û metroyan o ke teberê wareyanê rayapêroyîye de yê, afîşî wesayîtan, bîsîkletan, şaneşîyan û daran ra ameyî dardîkerdene. Aktîvîstê Almanyanij ê ke 25'ê Nîsane sey ‘roja çalakîyan’ îlan kerda, yeno pawitene ke heta wextêko bîn afîşan abikerê.