Kurdistanijî vera bobelata laserî ya ke xeylî herêmê Rojakewtena Kurdistanî û Îranî serûbin kerdê, bîyî serferber.

Paştdayîşê seba kampanyayanê hetkarîya madî, ke hetê ‘Heyva Sor a Kurdistanî’ ra ameye destpêkerdene, zêde benê. Şiyar Xelîl, Cemal Kobanê, Mele Mûstafa Tûzak û Omer Bagdûr tewrê kampanyaya ke hetê Heyva Sore ra ameya destpêkerdene bîyî. Çalakwanan vengdayîş bi Kurdistanijan û her kesî kerd ke wa tewrê kampanya bibê. Welatperwerê Kurdan Gulê Varto û Nilo Dêrsime zî tewrê kampanya bîyî. Çalakwanî komeleya NAV-DEM’î ya Berlînî de selahîyatdaranê Heyva Sore reyde ameyî têhet. Çalakwanan 300 Euroyê ke kom kerdê dayî selahîyatdarê Heyva Sore Kadîr Serhatî û vengdayîş bi welatpeweran kerd ke wa tewrê kampanya bibê. Çalakwanan da zanayene ke na eynî wext de seba destpêkerdişê kampanayaya paytextê Berlînî ya, hetkarîya înan a 50 heta 100 Euroyî sembolîk a û ê pawenê ke na seba şaro ke Berlîn de ciwîyeno biba destpêke.