Seba ke tecrdîê serê Rayberê Şarê Kurdî Abdullah Ocalanî bêro wedaritene, Kurdistanijan 1’ê Nîsane de Stockholm de dest bi grevê vêşanîye kerdbi û Kurdistanijan roja çalakîya xo ya diyîne de verê Parlamentoyê Swêdî de çalakîye viraşte.
Vizêrî parlamentoyê Swêdî de tecrîdê serê Rayberê Şarê Kurdî Abdullah Ocalanî û grevanê vêşanîye ser munaqeşeyî ameyî kerdene û munaqeşeyan ra ver Kurdistanijî ameyî awanîya parlamentoyî ver û çalakîye viraşte. Çalakwanan pankartê ke fotografê Leyla Guvene ser o yê girewtî xo dest.
Çalakwanan derheqê grevê vêşanîye û tecrîdî de şarê herême kerd hayîdar. Wexto ke Wezîrê Karanê Teberî Margot Wallstrom verê çalakwanan ra derbaz bi, yew çalakwanî grevê vêşanîye ardî vîrî û naye ser Wallstromî va ‘ma do parlamento de na mesela ser qisey bikê.’ Yew turîsto kal o ke bi kênaya xo Stockholm de bi ANF’yî rê qisey kerd û wina va: “Mi verê parlamentoyî de beyraq û flamayê HDP’yî dîyî û ez bîya şaş.’ Welat de tedayê pîlî ameyî kerdene la stratejîya HDP’yî rast bî û HDP’yî bi stratejîya xo AKP û Erdoganî rê da vîndîkerdene.”
Çalakwananê grevê vêşanîye ra yew grûbe şîye rojnameyê Expressenî yo ke Swêd de rojnameyanê pîlan ra yo û derheqê grevê vêşanîye û tecrîdî de malumatî dayî rojnameyî û waşt ke rojname no derheq de ca bido grevanê vêşanîye. Reyna Enstîtuya Swêdî de, derheqê weçînayîşê Tirkîya de yew panel bi û yew grûba çalakwananê grevê vêşanîye zî beşdarê nê panelî bîye. Tîyatrogêre Serpîl Înançe panel de qisey kerd û derheqê tecrdî û grevanê vêşanîye de malumatî dayî û beşdaran ra paştdarîye waşte.
