Çalkîya grevê vêşanîye ya Ozkan Ozdemîrî roja 22 de paytextê Fransa Parîs de dewam kena. Çalakîya ke dezgehê ACTÎT’î de yena viraştene vizêr FEDA ya pîya temsîlkaranê xeylî dezgehan zîyaret kerd.

Federasyonê Elewîyan ê Demokratîkî (FEDA) ra Pîr Riza Yagmurî şexsê Ozkan Ozdemîrî de xoverdayoxê grevê vêşanîye silam kerdî. Temsîlkarê Konfederasyonê Şaran ê Demokratîkan ê Ewropa (ADKH) mesajê paştîdayîşî da û vat ke ganî paştdayîşê  xoverdayîşî bêro xurtkerdene. Hemsereka Pîr Sultan Abdalî ya Parîsî Husnîye Kuçukkeleşe zî vat ke ê paşt danê xoverdayoxan.

Ozkan Ozdemîrî zîyaretan ra keyfweşîya xo arde ziwan û va: ‘‘Ez şorişgêro ke Elewî ya. Her îtîqat û fîkîr goreyê xo  muhîm ê. Ez tim bi Elewîtîya xo sereberz a. Elewîtîye vera nêheqîye ya û her tim hetê edaletî de ya.‘‘