Çalakwanê grevê vêşanîye yê bajaranê Duîsburg, Nurnberg û Kasselî 29’ê Sibate ra çalakîya xo paytext Berlîn de domnenê. Çalakwanan rê Berlîn û bajaranê dormeyî ra zîyaretê paştdayîşî dewam kenê.

Çalakwanê ke rojê xo yê  verênî mabênê Parlamentoyê Fedaralî yê Almanya û Serekwezîrîye de, karavan de ravêrnayî, di rojî yo rîyê problemanê weşîye ra komela NAVDEM’î de çalakîya xo  domnenê. Vizêr reyna xeylî kesan çalakwanî ziyaret kerdî. Zîyaretkerdoxan ra yew zî kedkaranê Çapemenîya Azade ya Kurdî ra Hevî Gabar bi. Gabarî bale ante muhîmîya grevê vêşanîye ser û vat ke xoverdayîşê grevê vêşanîye vengo gird vet û ma do zî berpirsîyarîya xo bîyarê ca û paşt bidê xoverdayoxan. Reyna zîyartekerdoxanê bînan zî waştişê azadîya Ocalanî ard ziwan û semedê wayîrvejîyayîşê grevê vêşanîye veng da û waşt ke şarê Kurdî û dostê înan vengê xoverdayoxan bidê eşnawitene.

Xoverdayoxan ra Cemal Kobanî zî zîyaretî ra keyfweşîya xo arde ziwan û va: ‘‘Ma hêzê xo Rayber Apo û şarê xo ra gênê û ma do miheqeq ser bikewê.‘‘  Xoverdayoxan ra Şîyar Xelîlî zî bale atne ke nê xoverdayîşî şarê Kurdî hîna ardo têhet û hêzê ci veto werte û va: ‘‘Ma qerardar î, ma do ser bikewê.‘‘