Çalakwananê grevê vêşanîye yê Strasbourgî rojbîyayîşê Rayberê Şarê Kurdî Abdullah Ocalanî pîroz kerd û vat no tarîxê newe ra afernayîşê umîdê azadîye yo.

Xoverdayoxanê Strasbourgî semedê pîrozkerdişê rojbîyayîşê Ocalanî aktîvîteyêk viraşte. Aktîvîte de çalakwanan ra Dîlek Ocalane û Mustafa Sarikayayî qisey kerd.

Rojbîyayîşê Ocalanî rojbîyayîşê yew şarî yo

Dîlek Ocalane rojbîyayîşê Ocalanî sey rojbîyayîşê şarêk name kerd û vist vîrî ke Ocalan tarîxê ronayîşê PKK’yî û projeya paradîgmaya medenîyetê demokratîkî sey rojbîyayîşê xo hesibneno û va: ‘‘Ma zî goreyê nê esasê hîrêyinî  têgêrênê. Ma ganî rayberîya cinî û ciwanan de mucadeleyî xurt bikerê.‘‘

Ocalanî şarêk aferna, afernayîşî bê dejî nêbenê

Mustafa Sarikayayî zî vat ke 4’ê Nîsanê tena bîyayîşê şexsêk nîyo, tarîxê destpêkerdişê bedilyayîşê cuya û merdimî yo û bestpa: ‘‘Ocalanî bi felsefe û paradîgmaya xo semedê şaran yew umîdo newe aferna. Ewropa de çew eşkeno tesîrê naye hîna rind vîno, her şarî ra merdimî yenê, vanê ma wa wazenê Ocalanî nas û fam bikê. Ocalanî şarêk aferna. No zî bê dejî nêbênê. Rayberîye umîdê azadîye yê şarî aferna, kerd gird û ci rê xeylî çî dayê qezenckerdene. Ma wazenê ke ewro vajê ‘Rojbîyayîşê to pîroz bo‘ la hema semedê azadîya Rayberîya ma zaf karê ma esto. Ma vanê ke ‘ Ma to xo vîra kerd, ti zaf kewenê ma vîr‘ hol a ya ke ti estî; hol a ya ke fîkranê to ma ser tesîr ker kerd; hol a ya ke ma xeta to de yê.‘‘

Hetê bîn ra bi weslîleya 4’ê Nîsane hetê çalakwananê grevê vêşanîye yê bêdêm-bêagêrayîşî  mektubêk ameye nuştene û bi vilikan şaro ke dormeyê çalkwanan de yo, ci ra ame vilakerdene. Mektube de bale ancîya tecrîd û grevê vêşanîye ser. Koma Berxwedan ra hunermendan zî bi deyîranê xo reng da şayîya pîrozkerdişî.