Bi nameyê çalakwananê grevê vêşanîye yê Strasbourgî Mustafa Sarikayayî  derheqê hêrişanê ke serê dayîkan ê Gebze û Qoserî  de ameye kerdene, eşkerayîyêk daye. Eşkerayîye de ame vatene ke, grevê vêşanîye yê ke verê 171 rojî rayberîya Leyla Guvene de dest pêkerdî ser kewtî û vera fazşîmî serkewtiş do yê dayîkan bo.

Dayîkî vera hêrişanê faşîsan bîyî barîkat

Eşkerayîye de  ca dîya nînan: ''Şarê Kurdî wayîrê hêzî yo ke hesabê nê hêrişan biperso, qirkerdiş û tehdîtanê komkiştişan ê serê şarî, verê dayîkî hîs kenê, sebebê hêrişanê serê dayîkan zî o yo ke zaf tersenê, rejîmo ke mîyanê krîzî de yo rijîyeno. Têkoşînê azadîye û demokrasî yê Kurdistanî û Tirkîya de, no 40 serrî yo dayîk û cinîyî  rolêkê serkêşîye kenê, wextêko winayên yo ke sere cimatî de bêvengîye, sereronayîye yenê ferzkerdene, vera naye de dayîkî bi bedenê xo bî barîkat û rayberîya têkoşînê pîrozî  û esîl kenê. Her wext dejê hêrişanê qirkerdişî yê faşîstan dayîkan ant. Verê ê hîs kenê ke şexsê domanan înan de, serê ameyoxê înan de qirkerdiş û komkiştiş esto. Seba naye zî , tewr vernîye bi hawayêko xurt,  ê wareyan tal nêverdanê û ê tewir mojnenê. Nika zî ma wextêkê winayinî de yê.

Tersê binkewtişî ra hêrişê faşîstî yenê kerdene

Her ke tersê binkewtişê rijiyayîşî zêde beno, seba ke alternatîkêkê înan o bîn çin o, tim verê xo danê hêrişan, sewîyeya hêrişan zêde kenê  ke payan ser o vinderê û cehd kenê ke bi hawayêkê hêzê serdestîyê estbîyayîşê xo dewam bikerê. Qîrayîşê dayîkan temsîlê “wijdan, exlaq û ameyoxê cimatî yo” û ê do ser bikewê. Hesabê dayîkanê ma yê ke erdan ra ameyê kaşkerdene do bêro perskerdene. Şarê ma wayîrê hêzîyo ke hesab do biperso. Têkoşînê ma wayîrê nê hêzê hesabperskerdişî yo. Ganî  na babete de kesêk bêqerar nêbo.”

Xoverdayîşê dayîkan do ser bikewo

Hemleya xoverdayîşî ya şiknayîşê tecrîdî, rijnayîşê faşîzmî , azadkerdişê welatî bi qetî ver bi xeta serkewtişî şina, durî nîyo ke tecrîd bişikîyo, faşîzm birijîyo û welato azad de Rayberê Şarê Kurdî Abdullah Ocalanî  reyde pîya biciwîyê. Xoverdayîş do ser bikewo û no serkewtiş zî do bi dayîkanê ma bêro. Nika ra, ma xoverdayîşê înan ê serkewteyî pîroz kenê û xoverdayîşê înan ê pîrozî bi coş, moral , heyacanêkê girdî pîroz kenê. Dayîkî, bingeyê moralê ma çalakwanan ê. Ma wazenê ke nê zî bizanê.”