Serê sînorê Polonya û Belarusî de zafêrê ci kurdî dramê koçberan dewam keno. Komîsyonê Yewîya Ewropa (YE) derheqê koçberanê Belarusî de semedê welatanê endamanê Yewîya Ewropa raporêko nimite weşana. Rapor rojnameyê bi nameyê Die Weltî yê Almanya de weşanîya. Rapor de qala hemkarîya îqtîdarê Lukaşenko û rejîmê Erdoganî yena kerdene.

Goreyê dokumentê Belaviaya ke şîrketa hewayî ya Belarusî ya bi hemkarîya Rayîranê Hewayî yê Tirkan (THY) hewte de 4-7 seferî Îstanbulî ra ver bi Minskî kerdî. Her teyaraya Îstanbulî de tewr tay 180 koçberî estbîyî. Rapor de ame eşkerakerdene ke şîrketa Fly Dubai hemwelatîyê Iraq û Sûrîye serê Dubai ra berdî Minskî.

Rapor de ame parekerdene ke wexto ke koçberî Polonya ra ameyî Almanya şîrketê almanî zî tewrê qeçaxçîtîya merdiman bîyî. Goreyê raporî hemwelatîyê Tirkîya, Îran, Sûrîye û Iraqî Almanya de qeçaxçîtîya merdiman kenê.

Selahîyetdarê Yewîya Ewropa xîret kenê ke çareserîya krîzê koçberan bivînê. Serekê Komîsyonê YE Ursula von der Leyen pêvînayîşê bi Serekê Amerîka Joe Bidenî ra dima eşkera kerd ke tedayê vera Belarusî do bizêdîyê. Roja dişemeyî Wezîrê Karanê Teberî yê welatanê Yewîya Ewropa tedayan vera nê şîrketanê teyarayan ser o do bêrê pêser.