Meclîsê Asayîşê Herêma Kurdîstanî vizêr eşkerayîyêke daye û îdîa kerd ke ''Tay xîretê koman ê terorîstan ameyî astengkerdene ke nê komî pabesteyê PKKyî zî.''

YNKyî bi eşkerayîyêka nuştekîye na îdîa red kerde.

Eşkerayîya YNKyî wina ya:

''Encumenê Asayîşê Herêma Kurdîstanî 5 encumanan ra yenê meydan; Şêwirmendê Encumenê Asayîşî, Serekê Dezgehê Asayîşê Herême, Serekê Dezgehê Zanyarî, Serekê Dezgehê Pawitişî û Serekê Îstîxbaratê Pêşmergeyan. Nê 5 encumanan ra 3 tenî endamê YNKyî yê û 2 endam zî ê PDKyî yê.

Dima ke ma her hîrê encumanan ra persa eşkera bi ke xebera berpirsanê YNKyî qet pê operasyonê winasênî çin a ke 26ê teşrîna verêne de  nameyê Encumenê Asayîşê Herême ser o derheqê ci de zanayîşî dîyayî. Coka endamê Encumenê Asayîşê Herême yê YNKyî na eşkerayîye û eşkerayîyanê bînan ê winasênan red keno. Rayîr medê ke bêxebera endamanê encumenîya sereke nameyê encumenîye ser o eşkerayîyî bêrê dayene.''