Ziwannasê amerîkayîjî û Endamê Înîsîyatîfê 'Abdullah Ocalanî rê Azadîye' Noam Chomskyî rojnameyê Yeni Ozgur Politika ra qisey kerd û vera zulmê dewleta tirke yê serê kurdan nêrazîbîyayîşê xo mojna.

Chomskyî vat: ''Tirkîya tim bi hawayêkê bêrehmî zulmê kurdan kerdo. Na seserre de zî na rewşe hende nêvurîyaye.

Erdogan mîyanê sîstemê dinya de keno ke Tirkîya rolêkê pîlî bivisna destî, wazeno bibo xelîfeyêkê neweyî. Erdogan seba ney xo hem nêzdîyê NATOyî hem zî nêzdîyê Rûsya keno û wazeno pê destekê înan kurdan qir bikero. Serrê 90î wextêko winasên bi ke Tirkîya vera kurdan hêrişê tewr giranî kerdî. O çax çekî Amerîka ra hetê Clintonî ra erşawîyabî. Ewro zî rolê Amerîka heman o.''

Chomskyî derheqê tecrîdê giranî yê vera Rayberê Şarê Kurdî Abdullah Ocalanî de zî wina vat: ''Ganî Ocalan nê tepişîyayîşê vera merdimîye ra bêro veradayene. Fikrê ey bîyî çimeyê averşîyayîşî û destkewteyê Rojawanî. Fikrê ey hetê rejîmanê otorîteran ê serdestanê herêmîyan ra û hetê hêzanê mîyanneteweyîyan ra zî sey gefî dîyenê.''