Hîrê serrî yo Rayberê Şarê Kurdî Abdullah Ocalanî ra xeberêke nêna girewtene. Hetkarê Serekîya Pêroyî ya Avûkatanê Sînornenasan û Avûkatanê Baroyê Parisî de Etienne Lesageyî derheqê tecrîdê vera Rayberê Şarê Kurdî de ANFyî rê qisey kerd.

Etienne Lesageyî pare kerd ke tecrîdê vera Abdullah Ocalanî dûştê merdimatîye yo û vat: ''No tecrîd dûştê Peymana Heqanê Merdiman a Ewropa yo ke sey endamê Konseya Ewropa Tirkîya zî na peymane îmza kerda. Pêro dewletê ke tecrîdî anê ca ganî sûcê îşkenceyî ra bêrê muhakemekerdene. Dewleta tirke bi kerdişanê xo yê tecrîdî huqûqê mîyanneteweyîyî zî binpay kena. Tecrîd hem binpaykerdişê heqanê merdiman o hem zî rûmetê merdiman şeqizneno. Ganî edaleto mîyanneteweyî vera tecrîdî tedaya Tirkîya bikero.''

Etienne Lesageyî tewirê CPTyî yê serê Îmraliyî ercna û vat: ''Tewirê CPTyî yê seba Îmraliyî raşt nîyo. Ewropa têkilîyanê xo yê bi Tirkîya ra bêveng a. Ganî avûkatê welatanê Ewropa hûrmetê huqûqê mîyanneteweyîyî bikerê û erkê xo bîyarê ca. No tecrîdê 25 serran nêno qebulkerdene. Hendê tecrîdkerdişê yew merdimî bi giranî kiştiş o. Tecrîd metodêkê mergê emrdergî yo.''