Mengêke bîye ke krîzê şewatê daristanan derbaz bi. Awustralya hema zî dejanê xo pêşena. Şewata daristanan mabênê êlula 2019î û sibata 2020î de qewimîya û bi semedê felaketêkê pîlî yê ekolojîkî. Şewat de bi mîlyaran heywanî merdî, bêkeye mendî û 33 merdimî zî mîyanê şewatî de mendî û merdî.

Goreyê cigêrayîşêko ke kovara The Medical Journal of Australia de weşanîya şewat bi hawayêkê nêrasterastî bi semedê mergê zaf tenan. Netîceya şewarî de gemarîya hewayî zêdîyaye û 417 tenî pê merdî.

Goreyê doneyan 1.305 tenî semedê şewatê daristanan ra kewtî krîzê tengîya nefesî û serwîsanê lezabezan weşkerdişê înan kerdî. 3 hezar û 151 tenî zî meseleya hêlmgirewtişî ra nêweşxaneyan de mendî.

Goreyê heman cigêrayîşî dûyê şewatî bi hewteyan tesîrê se ra 80ê nufusî (20 mîlyon tenî) kerd. Goreyê cigêrayîşê Zanîngehê Neteweyî yê Awustralya nufusê welatî bi hawayêkê cîyayî şewatî ra zerar dî.