Wekîlê HDPyî yê Çewlîgî Erdal Aydemîrî Meclîs de qirkerdişê heywanan ser o qisey kerd û vernîyazêkê persan da.

Aydemîrî vist vîrî ke qezaya Xolxolî ya Çewlîgî de Gelîya Perî de heywanê koyîyî binê nameyê seydwanîye de ameyî qirkerdene.

Aydemîrî vat: ''Pê îhaleyan qirkerdişê heywanan yeno meşrûkerdene. Rixmê hende nêrazîbîyayîşan û muracatan zî seydwanîye dewam kena. Rojanê peyênan de dîmenê qirkerdişê heywanan reyna medya de vila bîyî û reyna ame vînayene  ke seydwanîye spor nê qirkerdiş o.''

Aydemîrî vernîyaz de nê persî pers kerdî:

''-Şima derheqê nê qirkerdişê heywanan de do çîyêk vajê?

-Şima seba ke verê qirkerdişê heywananê koyîyan bigêrê do têbigêrê?

-Seydwanê ke goreyê îdîayan teberê welatî ra ameyê kam ê?

-Rixmê hende nêrazîbîyayîş û muracatan şima do pê îhaleyan qirkerdişê heywanan peygoş bikerê?''