Tirkîya û Vakurê Kurdîstanî de budçeya şerî û polîtîkayanê îqtîdarî ra krîzo ekonomîk bi hawayêkê giranî tesîr keno. Rixmo ke hamnan o bazaran de fîyatê sewze û meyweyan  zaf vay ê û cinîyî bazaran ra destveng agêrenê.

Cinîyanê Amedî Ajansê Jinnewsî rê krîzo ekonomîk o giran ercna.

Sureyya Demîral îfade kerd ke ê raştê şîdetê ekonomîkî yenê û vat: ''Bazar û marketî zaf vay ê. Ez teqawutbîyaye ya û nêeşkena pê meaşê xo çîyêkî bihêrîna. Ma terkê mergî bîyê. Yew cuya ma ya sosyale nêmenda. Ez heqê xo helal nêkena.'' 

 Meleke Ozdemîra ke bazar de dezgehê ci est o vat: ''Nan 12 lîra yo. Ma poşetêkê berheman bigêro beno 500 lîra. Krîzo ekonomîk zaf tesîrê ma keno. Ez pê nê dezgehî debara xo kena û miqatê 6 domanan bena.''

Wendekara zanîngehî Fatma Ayhana ke hetêkî ra xebitîyena vat: ''Ez mîmarîye wanena. La malzemeyê ma hende vay ê ke nêeşkan nînan bihêrîna. Bursê mi hezar û 200 lîra yo la o zî mi rê qîm nêkeno.  Muşterîyî zî vanê ke her çî zaf vay ê. Hînî nê welatî de çîyêk nêmeno.''

 Hemwelatîyêka ke nêwaşt nameyê xo bida vat: ''Tay merdimî çopan ra nanî arê danê wenê. Şar nêeşkeno heqê kira bido. Ez pê 200 lîra yena bazarî la pê ci ancax di-hîrê kîloyan çîyêkî hêrînena. Wa ê bineyk biwijdan bibê û nê zulmî biqedînê.''