Dêrsim de dima ke payîz dîya amadekarîyanê zimistanî zî dest pêkerd. Dewa Beydamiyî ya qezaya Pêrtagî ya Dêrsimî de dewijî sebzeyanê xo kenê wişk.

Cinîyanê bi nameyê Fethîye Toylak û Fecîre Oz PÎRHA rê qala amadekarîyanê xo kerde.

Fethîye pare kerd ke a 30 serrî yo bostanê xo ramena û vat: ''Ma firinganê xo arê danê, binê tîje de kenê wişk û pê salçe virazenê û kenê konserveyan. Ma tay firinganê xo zî kenê wişk û seba zimistanî zereyê poşetan de erzenê dolabê cemedî.''

Fecîre Oz da zanayene ke ê sebzeyanê xo yê wişkan zimistan de wenê û vat: ''Ez Îzmîr de ciwîyena û hamnanan yena dewe, hetê dadîya xo. Ez dewa xo ra zaf hes kena, her serre yena ci. Dewe de keyfê mi yeno.''