Dêrsim de komekê seywananê xerîban seba qirkerdişê heywananê koyîyan ameye Dêrsim û Keyeyê Mamostayan de ameye cakerdene. Partîyanê sîyasîyan, temsîlkaranê rêxistinanê komelê sivîlî û şarî verê Keyeyê Mamostayan de waşt eşkerayîye bidê. Eşkerayîye ra verî polîsan kuçe girewt binê ablûqa û çalakîkerê bi pankartanê 'Seydwanîye wa qedexe ba', 'Wayîrê Ma Xizir o, Ma Mekişê' asteng kerdî. 

Polîsan seywanî pawitî û îdîa kerd ke 'belgeyê înan estê û ê do 10 xinziranê koyîyan' bikişê.Girseyî vera polîsan nêrazîbîyayîşê xo mojna û vat: ''Ma Dêrsim de seydwanîye nêwazenê.'' Dima zî girsey sloganî berz kerdî. Girseyî da zanayene ke ê do vera seywanan têkoşînê xo rê dewam bikerê û nêverdê ke heywanî bikişîyê. Çalakîkeran rixmê astengkerdişê polîsan zî sloganî vatî û pê çalakîya çepikan protesto qedîna.