Dezgehanê êzîyan ê Ewropa, Koordînasyonê Rêxistinanê Êzidîyan ê Ewropa, NAV-YEK, Meclîsanê Dewanê Vakurê Kurdîstanî, MŞD, YÊS, HCÊ, SMJÊ, NÇÊ derheqê hêrişê vera goristanê êzidîyan ê Mezra Mihoka de eşkerayîyêke hempare daye.

Eşkerayîye de wina ame vatene: ''Nê rojan de ke dinya vera vîrusê Korona têkoşîn kena Tirkîya de û welatê ma Kurdîstan de hem hetê dewleta tirje ra dest nîyeno şaredarîyanê ma ser hem zî hetê kesanê nekifşan ra vera erjanê ma hêrişî yenê kerdene.''

Dezgehan vist vîrî ke pêro bawerîyan de xalê fîrazî û rêzdarî estê û îfade kerd ke nê erjan ra yew zî hûrmetê goristanan o. Eşkerayîye de ame vatene ke êzidîyî yê ke vera fermanan sere wedarit û xo ver da do sîyasetê tersnayîşî pûç bikerê.