Rêxistina Asayîşî ya Hewayî ya Ewropa Eurocontrol dişeme warê hewayî de têna 6 hezar û 837 perayîşî kerdî. Wexto ke rêjê serra verêne û na hûmara bêrê têverdayene yeno dîyene ke trafîkê hewayî se ra 75 kêmîya.

Mudirê Eurocontrol  Eamonn Brennanî twitter de pare kerd ke kêmbîyayîş qasê se ra 75,9 o. Destpêkê menga adare de ferq têna se ra 1 bi. Ame vatene ke kêmbîyayîşê perayîşan netîceya kêmbîyayîşê seferanê teyarayan o. 

Vîrusê Korona (Covid-19) zaf tesîrê raywanîya hewayî kerd.

Yewîya Barkerdişê Hewayî ya Mîyanneteweyîye (IATA) derheqê malîyetê kêmbîyayîşê trafîkê hewayî de eşkerayîyêke daye. Goreyê eşkerayîye şîrketê hewayî   vîrusê Korona ra do qasê 252 mîlyar dolaran zerarê madîyî bivînê.