Federesyonê Kurdîstanijanê Azadan ê Rojhelatê Ewropa (FED-KURD) semedê tewrbîyayîşê Festîvala Kulturê Kurdan a Mîyanneteweyî ya 32. ya ke 21ê êlule de  do Frankfurtê Almanya de bêro kerdene veng da.

Hemserekê FED-KURDî Menderes Canbekî eşkerayîye de wina qisey kerd: ''Rayber Apo Îmrali de binê sîstemê îşkence û qirkerdişî de maneno. Rayber Apo ûca xoverdayîşo tarîxî dano. Gerîlayê Azadîye yê Kurdîstanî zî koyanê Kurdîstanî de vera heme teknîk û teknolojîya dişmenî xover danê. Xoverdayoxê zîndanan zî zîndananê Kurdîstan û Tirkîya de xover danê. Ma zî Ewropa de warê xoverdayîşî akenê. Na festîvala ma ya 32. a. Emser festîvale vera qikerdişê kulturê kurdan yena kerdene.

Ma vanê ke bêrê ma 21ê êlula 2024î de parka Rebstockparkî ya Frankfurtî de binojnê dişmenê xo ma ke ma kultur û Rayberîye xo canêverdene. Ma ûca vera dişmenî govende bîgêrê, bi ziwanê xo qisey bikerê û mesajê tarîxî bidê. Ma do tecrîdî bişiknê, meseleya kurdan çareser bikerê. Ma nika ra festîvale pîroz kenê. Ma sey cinî, doman, extîyar, ciwan ma xo bi kincanê xo yê herêmî bixemilnê û 21ê êlule de Frankfurt de govende bîgêrê.''