Gelîya Zîlane mabênê serranê 1978-1992î de Awbendê Koçkopruyî amebi awankerdene. Rojanê peyênan de awbend de mergê masêyan zêdîya la selahîyetdarî qetî tedbîran nêgênê.

Par awa awbendî ser o tebaqayêka keske estbî. Awbendî ser o HES zî virazîya û HESî ra semed masêyî bêoksîjen mendî.

Di rojanê peyênan de bi taybetî Gelîya Zîlane de xeylêk masêyî merdî Tanju kayayî Ajansê Mezopotamya rê qisey kerd û pare kerd ke  sebebê mergê masêyan nêame tesbîtkerdene û masêwanî zî nênê hîşyarkerdene.

Roniştoxê taxa Koçkopruyî Şahîn Înan îfade kerd ke goreyê analîzê parî gelî de asta azotî zêdîyaya la rixmê nê tehlukeyî zî tedbîr nêame girewtene. Şahînî vat: ''Merdimî şinê masêyan tepişnenê. Hayîya înan pê tehlukeyî çin a. Mergê masêyan beno sebebê qirbîyayîşê masêyan zî.''